क्रिकेट खेळत असताना 31 वर्षीय क्रिकेटरचा हृदयविकाराचा झटक्याने दुर्दैवी मृत्यू झाल्याची घटना आझाद मैदानात घडली. विक्रम अशोक देशमुख असे मयत तरुणाचे नाव असून तो पेशाने इंजिनिअर होता. त्याच्या पश्चात आई-वडील, पत्नी, दीड वर्षाचा मुलगा असा परिवार आहे.
विक्रम हा इंजिनिअर होता आणि एका आयटी कंपनीत काम करत होता. याशिवाय विक्रमला क्रिकेटची आवड होती. त्यामुळे शनिवार, रविवारी सुट्टीच्या दिवशी तो नियमितपणे आझाद मैदानात स्पर्धात्मक क्रिकेट खेळायचा.
रविवारीही तो आझाद मैदानात 25 षटकांचा सामना खेळत होता. सामन्यात विक्रमने सर्वाधिक धावा करत संघाला विजयाच्या जवळ आणलेच होते. मात्र धावा काढत असतानाच तो अचानक जमिनीवर कोसळला आणि त्याचा मृत्यू झाला.
