इराण जगातल्या सर्वात कट्टर इस्लामिक देशांच्या लिस्टमध्ये आहे. जिथे फाशीची शिक्षा देणे सर्वसामान्य गोष्ट आहे. आता याच फाशीशी संबंधित एक अनोखे प्रकरण समोर आले आहे.
इराण हा जगातल्या त्या देशांपैकी एक देश आहे जिथे सगळ्यात जास्त फाशीची शिक्षा दिली जाते. आता इराण येथून अनोखे प्रकरण समोर आले आहे. नार्वे येथील इराण मानवाधिकार संघटनेच्या (आयएचआर) अहवालानुसार, एका इराणी व्यक्तीला 6 महिन्यांच्या आत दोनदा फासावर चढविण्यात आले आहे. एनजीओनुसार अहमद अलीजादेह असे त्या व्यक्तीचे नाव असून 2018 मध्ये त्याला हत्येच्या आरोपाखाली अटक केली होती. त्यानंतर त्याला मृत्यूची शिक्षा ठोठावण्यात आली.
अहमदने हे आरोप फेटाळले होते. दरम्यान त्यानंतरही त्याला यावर्षी 27 एप्रिल रोजी तेहरानच्या बाहेर करजस्थित गेजेल हेसल तुरुंगात फासावर चढविण्यात आले होते. तो फासावर चढल्यानंतर त्याला 28 सेकंदांनी खाली उतरविण्यात आले. आयएचआरने सांगितले की, पिडीत मुलाच्या कुटुंबियांना फाशी दरम्यान अचानक माफ करा सांगितले होते.त्यानंतर फाशीची शिक्षा रोखण्यात आली होती.
इराणच्या शरिया कायद्यानुसार, पीडिताचे कुटुंब अपराध्याला माफ करु शकतं किंवा जीव वाचविण्याच्या मोबदल्यात पैशांची मागणी करु शकतात. दरम्यान, मागच्या 13 नोव्हेंबर रोजी सकाळी अहमद अलीजादेह याला पुन्हा फासावर चढविण्यात आले. आयएचआरने या निर्णयावर टीका केली. ते म्हणाले एक प्रतिभाशाली विद्यार्थ्याला हत्येच्या आरोपाखाली दुसऱ्यांदा फाशीची शिक्षा दिली, ज्यासाठी त्याला जाणुनबुजुन त्रास देण्यात आला. इराणच्या इस्लामी शासनाच्याविरोधाला दाबण्यासाठी मृत्यूच्या शिक्षेला भितीच्या रुपाने वापरण्यात आले आहे. 2024 मध्ये मृत्यूदंडाच्या शिक्षेत वाढ दिसली आहे. इराणने ऑक्टोबरमध्ये कमीत कमी 166 लोकांना फाशीची शिक्षा दिली आहे.
