मोटरसायकल अपघातात तरुणीचा मृत्यू झाल्याची घटना घडली आहे. मेघा शहाणे असे मृत महिलेचे नाव आहे. याप्रकरणी पंतनगर पोलिसांनी इरफान अहमद खानला अटक केली.
इरफान हा चेंबूर परिसरात राहतो. शनिवारी इरफान आणि मेघा हे मोटरसायकलने ठाण्याच्या दिशेने जात होते. त्याची मोटरसायकल विक्रोळी वाहतूक चौकीच्या ब्रिजवर होती. इरफान हा मोटरसायकल चालवत होता, तर मेघा ही मागे बसली होती. इरफानने मोटरसायकल धोकादायकरीत्या चालवली. मोटरसायकलने वाहनाला धडक दिल्याने मेघा खाली पडल्याने ती गंभीर जखमी झाली.
पोलिसांनी मेघाला रुग्णालयात दाखल केले. तेथे डॉक्टरांनी तिला मृत घोषित केले. अपघातप्रकरणी पंतनगर पोलिसांनी इरफानला ताब्यात घेऊन अटक केली.
