विधानसभा निवडणुकीत महाविकास आघाडीचा पराभव झाला असून महायुतीचा विजय झाला आहे. पण आपण मोठ्या ताकदीने पुन्हा उभारी घेऊ असा निर्धार शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे यांनी व्यक्त केला आहे.
इन्स्टाग्रामवर स्टोरी टाकून आदित्य ठाकरे म्हणाले की या निवडणुकीत तुमच्या पाठिंब्यसाठी आणि आशिर्वादासाठी धन्यवाद. अनेकांचे आभार मानणे मला शक्य झाले नाही त्याबद्दल माफी. ही निवडणूक विश्लेषणापलीकडची होती, आणि त्यात जनतेचा जो आशीर्वाद मिळाला तो उत्साह देणारा आहे. आम्ही पुन्हा उभारी घेऊ, ती ही मोठ्या ताकदीने. आणि पूर्वी पेक्षा चांगलं सर्वांसाठी महाराष्ट्र उभा करू असेही आदित्य ठाकरे म्हणाले.
