मुल्तानी मातीचे असंख्य उपयोग सौंदर्यासाठी होत असल्यामुळे, फार पूर्वीपासूनच मुल्तानी माती आपल्या घरामध्ये विराजमान झाली आहे. मुल्तानी मातीचा उपयोग केवळ चेहरा सुंदर ठेवण्यासाठी नव्हे तर, केसांचे सौंदर्य जपण्यासाठी सुद्धा मुल्तानी मातीचा वापर केला जातो. म्हणूनच प्रत्येकीच्या सौंदर्याच्या डब्ब्यात मुल्तानी माती ही हमखास आढळते. मुल्तानी माती केवळ त्वचेचे सौंदर्य खुलवण्यासाठी नाही तर, हे सौंदर्य अबाधित ठेवण्यासाठी मदत करते. त्यामुळेच मुल्तानी माती हा कमी खर्चिक उपाय अगदी घरबसल्या आरामात करता येतो.
मुल्तानी मातीचा मूळ गुणधर्म थंडावा असल्याकारणाने, त्वचेसोबत केसांसाठी सुद्धा ही माती अतिशय उपयुक्त मानली जाते. म्हणूनच घरात मुल्तानी मातीचा फेस पॅक आणि केसांसाठी पॅक करणाऱ्यांची संख्या आता दिवसागणिक वाढू लागली आहे.
त्वचेसाठी मुल्तानी मातीचे फायदे-
त्वचेसाठी मुल्तानी माती फार प्रभावी मानली जाते. मुल्तानी मातीच्या वापरामुळे चेहरा तेलकट दिसत नाही.
सुरकुत्या कमी होण्यासाठी मुल्तानी मातीचा वापर करणे हा साधा सोपा आणि कमी खर्चाचा उपाय मानला जातो.
चेहऱ्यावरील मुरुमांसाठीसुद्धा मुल्तानी माती वापरण्याचा सल्ला तज्ज्ञांकडून दिला जातो.
त्वचेला कोमल बनविण्यासाठीसुद्धा मुल्तानी माती प्रभावी उपाय आहे.
चेहरा स्वच्छ ठेवण्यासाठी मुल्तानी मातीचा फेस पॅक लावणे खूप गरजेचे आहे.
केसांसाठी मुल्तानी मातीचे फायदे-
मुल्तानी माती केसांवर लावल्यास केस सतेज आणि निरोगी दिसण्यास अधिक मदत होते.
केसातील कोंडा कमी करण्यासाठी मुल्तानी माती एक खात्रीचा उपाय मानला जातो.
केस मऊ मुलायम ठेवण्यासाठी सुद्धा मुल्तानी मातीचा फार मोठ्या प्रमाणात उपयोग होतो.
केसांना मूळापासून मजबूत बनविण्याचे काम मुल्तानी मातीमुळे साध्य होते.
(कोणतेही उपाय करताना तज्ज्ञांचा सल्ला घेणे आवश्यक आहे.)
