Hero MotoCorp ने नुकत्याच झालेल्या भारत मोबिलिटी ग्लोबल एक्स्पो 2025 मध्ये नवीन Xpulse 210 लॉन्च केली आहे. या बाईकची एक्स-शोरूम किंमत 1.75 लाख रुपये आहे. Bikewale या न्यूज वेबसाईटवर प्रसिद्ध झालेल्या बातमीनुसार, या एंट्री लेव्हल ॲडव्हेंचर बाईकची बुकिंग पुढील महिन्यापासून सुरू होईल आणि मार्चमध्ये याची डिलिव्हरी सुरू होऊ शकते. या बाईकबद्दल अधिक माहिती जाणून घेऊ…
इंजिन
जर आपण या बाईकच्या पॉवरट्रेनबद्दल बोललो तर, Hero Xpulse 210 मध्ये 210cc, सिंगल-सिलेंडर, लिक्विड-कूल्ड, 4-व्हॉल्व्ह इंजिन आहे. बाईकचे इंजिन 24.6bhp ची पॉवर आणि 20.7Nm चा पीक टॉर्क जनरेट करते. ही बाईक 6-स्पीड गिअरबॉक्ससह जोडलेली आहे.
या बाईकमध्ये 4.2-इंचाचा TFT कन्सोल आणि स्मार्टफोन कनेक्टिव्हिटीसह पूर्ण एलईडी लाईट सारखे फीचर्स देण्यात आले आहेत. याव्यतिरिक्त, ब्रेकिंग हार्डवेअरमध्ये ड्युअल-चॅनल ABS सह पुढील आणि मागील डिस्क समाविष्ट आहेत.
