व्हॉट्सऍपने आपल्या युजर्ससाठी नवीन फिचर आणले आहे. या फिचरमुळे व्हॉट्सऍप स्टेट्सवर म्युझिक ऍड करता येऊ शकेल. व्हॉट्सऍपला आता म्युझिक सपोर्ट मिळणार असल्याने युजर्स आपली आवडती गाणी स्टेट्सवर ठेवू शकतील. हे अपडेट जगभरात टप्प्याटप्प्याने आठवडाभरात दिले जाणार आहे. या नव्या फिचरमुळे युजर्सला लाखो गाण्यांच्या पर्यायातून आवडत्या गाण्यासोबत फोटो जोडता येईल. स्टेट्स क्रीनच्या बाजूला एक संगीत नोट दिसेल. हे गाणे फोटोसोबत 15 सेकंद ते 60 सेकंदांपर्यंत स्टेट्स म्हणून ठेवता येऊ शकेल.
