निवडणूक आयोगाच्या निर्देशानुसार विशेष संक्षिप्त पुनरीक्षण सुधारित कार्यक्रमांतर्गत जिह्यातील 12 विधानसभा मतदारसंघांच्या मतदान केंद्रांवर अंतिम मतदार यादी प्रसिद्ध करण्यात आली आहे. जिल्हा निवडणूक प्रशासनाने राबविलेल्या विविध उपक्रमांमुळे मतदार यादीत 53 हजार 830 मतदारांची वाढ झाली आहे. विशेष म्हणजे वाढ झालेल्या मतदारांमध्ये महिला मतदारांची संख्या 33 हजार 514 पेक्षा अधिक आहे. नागरिकांनी आपले नाव मतदार यादीत आहे किंवा नाही, याची खात्री करण्याचे आवाहन जिल्हाधिकारी सिद्धाराम सालीमठ यांनी केले आहे.
विशेष संक्षिप्त पुनरीक्षण सुधारित कार्यक्रमाआधी 6 ऑगस्ट रोजी जिह्याची मतदारसंख्या 36 लाख 73 हजार 969 होती. प्रशासनाने महिला मतदार नोंदणीसाठी विशेष शिबिर, समाजातील दुर्लक्षित घटकांसाठी सुट्टीच्या दिवशी शिबिराचे आयोजन, महाविद्यालय आणि सामाजिक संस्थांचा सहभाग, उद्योगसंस्थांचा सहभाग असे विविध नावीन्यपूर्ण उपक्रम राबविल्याने अंतिम मतदार यादीत मतदारांची संख्या 37 लाख 27 हजार 799 एवढी झाली आहे. त्यापैकी 9 हजार 287 पुरुष आणि 310 महिला असे एकूण 9 हजार 687 सैनिक मतदार आहेत. तर, इतर मतदारांची संख्या 206 एवढी आहे.
शेवगाव मतदारसंघात सर्वाधिक मतदार
अंतिम मतदार यादीनुसार जिह्यात शेवगाव विधानसभा मतदारसंघात 1 लाख 92 हजार 447 पुरुष आणि 1 लाख 76 हजार 290 महिला असे सर्वाधिक 3 लाख 68 हजार 743 मतदार आहेत. अकोले विधानसभा मतदारसंघात 1 लाख 37 हजार 636 पुरुष, 1 लाख 25 हजार 305 महिला असे एकूण 2 लाख 62 हजार 942 मतदार आहेत. संगमनेरमध्ये 1 लाख 46 हजार 623 पुरुष, 1 लाख 38 हजार 415 महिला असे एकूण 2 लाख 85 हजार 40 मतदार आहेत.
शिर्डीमध्ये 1 लाख 47 हजार 378 पुरुष, 1 लाख 40 हजार 830 महिला, असे एकूण 2 लाख 88 हजार 216 मतदार आहेत. कोपरगावमध्ये 1 लाख 44 हजार 606 पुरुष, 1 लाख 40 हजार 889 महिला असे एकूण 2 लाख 85 हजार 501 मतदार आहेत. श्रीरामपूरमध्ये 1 लाख 54 हजार 310 पुरुष, 1 लाख 50 हजार 950 महिला असे एकूण 3 लाख 5 हजार 326 मतदार आहेत.
नेवासामध्ये 1 लाख 44 हजार 860 पुरुष, 1 लाख 34 हजार 830 महिला असे एकूण 2 लाख 79 हजार 694 मतदार आहेत. राहुरीमध्ये 1 लाख 65 हजार 275 पुरुष, 1 लाख 52 हजार 188 महिला
असे एकूण 3 लाख 17 हजार 464
मतदार आहेत.
पारनेरमध्ये 1 लाख 78 हजार 753 पुरुष, 1 लाख 67 हजार 214 महिला असे एकूण 3 लाख 45 हजार 970 मतदार आहेत. नगर शहरमध्ये 1 लाख 58 हजार 430 पुरुष, 1 लाख 52 हजार 807 महिला असे एकूण 3 लाख 11 हजार 344 मतदार आहेत. श्रीगोंदामध्ये 1 लाख 74 हजार 383 पुरुष, 1 लाख 60 हजार 280 महिला असे एकूण 3 लाख 34 हजार 665 मतदार आहेत. तर कर्जत-जामखेड विधानसभा मतदारसंघामध्ये 1 लाख 79 हजार 658 पुरुष, 1 लाख 63 हजार 236 महिला असे एकूण 3 लाख 42 हजार 894 मतदार आहेत.
वयोवृद्ध मतदारांच्या पडताळणीसाठी प्रत्यक्ष भेटीवर भर
घरोघरी पडताळणी मोहिमेत नोंदणी न केलेले पात्र मतदार, संभाव्य मतदार, एकापेक्षा अधिक नोंदी, मयत मतदार, कायमस्वरूपी मयत मतदार यांची माहिती अद्ययावत करण्यावर भर देण्यात आला. 80 वर्षांपेक्षा अधिक वय असलेल्या मतदारांबाबत वारंवार आढावा घेऊन प्रत्यक्ष पडताळणी करण्यात आली. जागेवर न आढळणाऱया आणि स्थलांतरित मतदारांची केंद्रस्तरीय अधिकाऱयांमार्फत पडताळणी करून वगळणी करण्यात आली. विशेष संक्षिप्त पुनरीक्षण कार्यक्रमांतर्गत एकूण 16 हजार 516 मतदार वगळण्यात आले.
मतदार नोंदणी सुरूच राहणार
अंतिम यादी प्रसिद्धीनंतरही 1 जुलै 2004 रोजी 18 वर्षे पूर्ण करणाऱया मतदारांची नावनोंदणी सुरू राहील. नवीन मतदार नावनोंदणी करण्यासाठी निवडणूक आयोगाच्या https://voters.eci.gov.in या संकेतस्थळावर नमुना क्र. 6 उपलब्ध आहे. मतदार यादीत आपले नाव www.ceo.maharashtra.gov.in, www.electoralsearch.eci.gov.in या संकेतस्थळाला भेट द्यावी, असे आवाहन जिल्हाधिकारी तथा जिल्हा निवडणूक अधिकारी सालीमठ यांनी केले आहे.
