तमिळनाडूतील मदुराईमध्ये एका 20 वर्षीय तरुणीवर 25 वर्षीय तरुणाने हल्ला केला आहे. या हल्ल्यात तरुणी गंभीर जखमी झाली असून तिला तत्काळ रुग्णालयात दाखल करण्यात आले आहे. पोलिसांनी आरोपीविरुद्ध गुन्हा दाखल केला असून त्याचा शोध घेतला जात आहे.
मिळालेल्या माहितीनुसार, आरोपी सिद्धीक राजा आणि पीडित तरुणी हे शाळेत असल्यापासून एकमेकांना ओळखत होते. मात्र, मागील पाच महिन्यांपासून पीडित तरुणीने सिद्धीक राजा सोबत बोलणं बंद केलं होतं. त्यामुळे तो अस्वस्थ झाला होता. वारंवार तो पीडितेला फोन करून त्रास देत होता. दरम्यान, रविवारी (17 नोव्हेंबर) पीडित तरुणी मदुराईत ओठाकडाई येथील एका फोटोंच्या दुकानामध्ये काम करत होती. तेव्हा आरोपी सिद्धराज एका नातेवाईकासोबत दुकानामध्ये आला आणि पीडितेला जाब विचारण्यास सुरुवात केली. तसेच माझं तुझ्यावर प्रेम आहे, असं म्हणताच पीडितेने स्पष्ट नकार दिला. त्यामुळे आरोपीला राग अनावर झाला आणि त्याने पीडितेवर हल्ला केला. या हल्ल्यात पीडिता गंभीर जखमी झाली असून तिला तत्काळ राजाजी या सरकारी रुग्णालयात दाखल करण्यात आले आहे.
மதுரை ஒத்தக்கடையில் காதலிக்க மறுத்த இளம்பெண் மீது கடைக்குள் புகுந்து தாக்குதல்#Madurai #crime #Love pic.twitter.com/Pn2IdU3rLE
— A1 (@Rukmang30340218) November 21, 2024
पोलिसांनी या प्रकरणाची गंभीर दखल घेत आरोपीविरुद्ध गुन्हा दाखल केला आहे. तसेच आरोपीचा शोध सुरू केला असून अधिक तपास पोलीस करत आहेत.
