टीम इंडियाने पुन्हा एकदा 17 वर्षानंतर टी-20 वर्ल्डकपचे जेतेपद आपल्या नावावर केले आहे. या संपूर्ण विश्वचषकात टीम इंडियाला विजय मिळवून देण्यात जसप्रीत बुमराहचा सिंहाचा वाटा होता असे बोलायला हरकत नाही. विजयानंतर सर्व खेळाडू आपल्या कुटुंबियांसोबत पत्नीसोबत आपला आनंद शेअर करत असताना जसप्रीत बुमराह मात्र त्याच्या पत्नीला मुलाखत देताना दिसला.
No more interviews with you .now give me a hug Jaspreet bumrah giving interview to his wife & hugs his son Angad 🥰 pic.twitter.com/gj8Sd0gtkV
— 💝🌹💖jaggirmRanbir💖🌹💝 (@jaggirm) June 30, 2024
जसप्रीत बुमराहची पत्नी संजना गणेशन ही आयसीसीकडून क्रिकेटचे समालोचन करत होती. त्यामुळे सामना संपल्यानंतर ती सर्व खेळाडूंच्या मुलाखती घेताना दिसली. जसप्रीत बुमराहची देखील तिने अगदी प्रोफेशनलपणे मुलाखत घेतली. मात्र नंतर जाताना जसप्रीतने तिला मिठी मारली. त्यांच्या या मुलाखतीचा व्हिडीओ सोशल मीडियावर व्हायरल झाला आहे. या व्हिडीओत जसप्रीत त्याचा मुलगा अंगदसोबत खेळतानाही दिसत आहे.
दक्षिण आफ्रिकेला 30 चेंडूत 30 धावांची गरज होती आणि तेव्हाच रोहीत शर्माने चेंड़ू अनुभवी गोलंदाज जसप्रीत बुमराहच्या हाती दिला. आधीच्याचा ओव्हरमध्ये हेनरिच क्लासेनने अक्षर पटेलच्या ओव्हरला तुफान फलंदाजी केलेली त्यामुळे सामन्यात दक्षिण आफ्रिकेचे पारडे जड झाले होते. अशातच बुमराहने संयमी पण तितकीच प्रभावी गोलंदाजी केली व टीम इंडियाला पुन्हा सामन्यात परत आणले. पंधराव्या षटकात बुमराहने फक्त चार धावा दिल्या. त्यामुळे दक्षिण आफ्रिकेवरचे दडपण वाढले. त्यानंतरच्या सतराव्या षटकात पुन्हा बुमराह गोलंदाजीला आला त्यावेळी त्याने दोन धावा देत जेसनला बोल्ड केले. जसप्रीतने दक्षिण आफ्रिकेचा विजयचा मार्ग दूर केला व टीम इंडियाला विजय मिळवून दिला.
