उत्तर प्रदेशात मोठी दुर्घटना घडली आहे. हाथरसमध्ये चेंगराचेंगरी होऊन 100 हून अधिक भाविकांचा मृत्यू झाला आहे. तर मृतांचा आकडा वाढण्याची भिती व्यक्त केली जात आहे. अनेक लोक जखमी झाल्याची प्राथमिक माहिती समोर येत आहे. मिळालेल्या माहितीनुसार, भोले बाबांचा सत्संग कार्यक्रम सुरु होता यावेळी अचानक चेंगराचेंगरी झाली. उत्तर प्रदेशच्या हाथरसमधील रतिभानपूर येथे ही दुर्घटना घडल्याची माहिती आहे. या सत्संगाचा समारोप कार्यक्रम सुरु होता. यावेळी ही दुर्घटना घडली आहे.
उत्तर प्रदेश सरकारने मृतांच्या नातेवाईकांना दोन लाखांची मदत जाहीर केली आहे. तर जखमींना 50 हजारांची मदत घोषित केली आहे. जखमींवर वेगवेगळ्या रुग्ण्लायता उपचार सुरु आहेत आणि महत्वाचे म्हणजे या दुर्घटनेतील मृतांची अधिकृत संख्या अद्याप राज्य सरकारकडून जाहीर करण्यात आलेली नाही.
