उत्तर प्रदेशच्या अलीगडमध्ये ट्रक आणि बसमध्ये झालेल्या धडकेत मोठा अपघात झाला आहे. दरम्यान या अपघातात 5 प्रवाशांचा मृत्यू झाला असून 15जण जखमी झाले आहेत. यमुना एक्स्प्रेस वे 56 नंबरवर डबल डेकर बस बियरच्या बाटल्यांनी भरलेल्या ट्रकला जबरदस्क धडकली. ही धडक इतकी जबरदस्त होती की, बसच्या पुढील भागाचा चक्काचुरा झाला. अपघातात एका पाच महिन्याच्या मुलासह एक महिला आणि तीन पुरुषांचा समावेश आहे.
प्रवाशांनी भरलेली डबल डेकर बस दिल्ली येथून आजमगडला जात होती. अपघातानंतर काही प्रवाशांचे मृतदेह बसच्या आत फसलेले दिसले. अपघातानंतर जे प्रवासी बचावले ते बसच्या खिडक्या तोडून बाहेर पडले. मिळालेल्या माहितीनुसार, अपघातानंतर घटनास्थळी पोहोचलेल्या पोलिसांनी रेस्क्यू करत जखमींना जेवरच्या कैलास रुग्णालयात पाठवले. शिवाय पाच मृतदेह ताब्यात घेऊन शवविच्छेदनासाठी पाठवले.
अपघातातील पाचपैकी तिघांची ओळख पटली आहे. अपघातात नुकसान झालेली बस फौबाद येथील कृष्णा ट्रॅवल्सची असल्याचे बोलले जाते.
