स्टारलिंक आता हिंदुस्थानातही आपली सेवा देणार आहे. केंद्रीय मंत्री अश्विनी वैष्णव यांनी ट्विटरवर पोस्ट करत स्टारलिंकचे स्वागत केले होते. पण काही तासांतच वैष्णव यांनी ही पोस्ट डिलिट केली.
हिंदुस्थानातल्या सर्वात मोठ्या टेलिकॉम कंपन्या आणि इंटरनेट सेवा देणारी जियो आणि एअरटेल कंपनीने सॅटेलाईटवर आधारित ब्रॉडबॅण्ड इंटरनेट सेवा देण्यासाठी स्टारलिंकसोबत करार केला आहे. या कराराला अद्याप केंद्र सरकारने परवानगी दिली नाहीय.मंगळवारी एअरटेलने हिंदुस्थानात स्टारलिंकसोबत सेवा देण्याच्या करारावर सही केल्याचे जाहीर केले. यामुळे हिंदुस्थानातील दुर्गम भागात इंटरनेट सेवा देता येईल असे एअरटेलने म्हटलंय. याच संदर्भात अश्विनी वैष्णव यांनी एक्सवर पोस्ट टाकली होती आणि काही तासात त्यांनी ही पोस्ट डिलिटसुद्धा केली.
