शिवसेना पक्षप्रमुख उद्धव ठाकरे 7 व 8 नोव्हेंबर दोन दिवस शिवसेना(उध्दव बाळासाहेब ठाकरे) पक्षाच्या उमेदवाराच्या प्रचारार्थ पश्चिम विदर्भ दौऱ्यावर येणार आहेत. बुलढाणा येथे 8 नोव्हेंबर रोजी जयश्री शेळके यांच्या प्रचारार्थ दुपारी तीन वाजता तर मेहकर चे उमेदवार सिध्दार्थ खरात यांच्या प्रचारार्थ सायंकाळी पाच वाजता सभा आयोजित केल्या आहेत.
शिवसेना पक्षप्रमुख उद्धव ठाकरे 5 नोव्हेंबर रोजी प्रचाराचा शुभारंभ कोल्हापूरच्या अंबाबाईच्या दर्शन घेऊन करतील. पश्चिम विदर्भात शिवसेना उमेदवारांच्या प्रचारासाठी 7 व 8 नोव्हेंबर दोन दिवस प्रचाराचा झंझावात राहणार असून 7 नोव्हेंबर दुपारी 1 वाजता दर्यापूर विधानसभा, तीन वाजता तिवसा विधानसभा, सायंकाळी 4 वाजता बडनेरा विधानसभा तर सायंकाळी 7 वाजता नितीन देशमुख यांच्या प्रचारार्थ सभा होणार आहे.
8 नोव्हेंबरला पक्षप्रमुख उद्धव ठाकरे बुलढाणा जिल्ह्यात दोन सभा घेतील. बुलढाण्यात सभा 8 नोव्हेंबर दुपारी तीन वाजता तर मेहकरची सभा सायंकाळी पाच वाजता होणार आहे.
