भाजप खासदार उदयनराजे भोसले यांच्या विधानावरून नव्या वादाला तोंड फुटण्याची चिन्हे आहेत. सर्वप्रथम स्त्री शिक्षणाची शाळा जर कुणी सुरू केली असेल तर, ती थोरले प्रतापसिंह महाराज यांनी सुरू केली आहे, असे उदयनराजे भोसले यांनी म्हटले आहे. तर महात्मा फुलेंनी 1 जानेवारी 1948 मध्ये पहिली मुलींची शाळा सुरू केली. यावर उदयनराजे यांचा आक्षेप आहे. त्यांनी नवा शोध लावला आहे, अशी टीका ओबीसी नेते मंगेश ससाणे यांनी केली आहे.
सर्वप्रथम स्त्री शिक्षणाची शाळा जर कुणी सुरू केली असेल तर, ती थोरले प्रतापसिंह महाराज यांनी सुरू केली. एका दृष्टीकोनातून आपण पाहीलं तर थोरले प्रतापसिंह महाराज जे होते, त्यांचं महात्मा फुलेंनी अनुकरण केलं. स्त्री शिक्षणाची शाळा थोरले प्रतापसिंह महाराज यांनी सुरू केली, ती देखील स्वत:च्या राजवाड्यात सुरू केली. त्या राजवाड्यात कालांतराने ज्यांनी देशाचं संविधान लिहीलं ते डॉक्टर बाबासाहेब आंबेडकर यांचं प्राथमिक शिक्षण त्याच राजवाड्यात झालं, असे उदयनराजे भोसले म्हणाले.
उदयनराजे भोसले यांनी केलेल्या विधानावरून मंगेश ससाणे यांनी त्यांच्यावर टीका केली आहे. महात्मा फुलेंनी 1 जानेवारी 1948 मध्ये पहिली मुलींची शाळा सुरू केली. यावर भाजप खासदार उदयनराजे भोसले यांनी अप्रत्यक्षपणे आक्षेप घेतला आहे. नवा शोध लावला आहे. आत्तापर्यंतचे संशोधक, इतिहास तज्ज्ञ फेल ठरलेत, अशी टीका ओबीसी नेते मंगेश ससाणे यांनी केली.
स्त्रियांची पहिली शाळा प्रतापसिंह महाराज यांनी सुरू केली या उदयनराजेंच्या वक्तव्याचा ससाणे यांनी समाचार घेतला आहे. ‘उदयनराजे यांचं वक्तव्य तीन- चार वेळेस ऐकलं. महात्मा फुलेंचं महत्त्व कळल्याने उदयनराजे हे फुले वाड्यावर आलेत असं वाटलं. इथं येऊन जयंतीच्या दिवशी, फुलेंच महत्त्व कमी करायचं. त्यांच्या पूर्वजांचं महत्त्व वाढवलं’, असं मंगेश ससाणे म्हणाले. ‘छत्रपती शिवाजी महाराज, संभाजी महाराजांना अवघा महाराष्ट्र जाणतो. छत्रपती शिवाजी महाराजांचा पहिला पोवाडा महात्मा फुलेंनी लिहिला’, असं मंगेश ससाणे म्हणाले.
