संयुक्त अरब अमिरात (यूएई) मध्ये दोन हिंदुस्थानी नागरिकांना फाशी देण्यात आली आहे. हिंदुस्थान परराष्ट्र मंत्रालयानेही याला दुजोरा दिला आहे. फाशी दिलेल्या मृतांच्या कुटुंबीयांना फाशीची माहिती दिली आहे, असे परराष्ट्र मंत्रालयाने सांगितले. फाशी झालेले दोन्ही व्यक्ती हे केरळचे रहिवाशी होते. मोहम्मद रिनाश अरंगीलोट्टू आणि मुरलीधरन पेरुमथट्टा वलाप्पिल अशी त्यांची नावे आहेत. हे दोघे हत्येच्या आरोपात दोषी ठरले होते. त्यानंतर फाशीची शिक्षा सुनावली. संयुक्त अरब अमिरातच्या सर्वोच्च न्यायालयाने ही शिक्षा कायम ठेवल्याने या दोघांना फाशी देण्यात आली.
