गायक-अभिनेता दिलजीत दोसांझची मुंबईत 19 डिसेंबर रोजी कॉन्सर्ट होणार आहे. 22 नोव्हेंबरपासून या कार्यक्रमाच्या तिकिटांचे बुकिंग सुरू झाले. त्याला भन्नाट प्रतिसाद मिळाला. या कार्यक्रमाची तिकीट अवघ्या 50 सेकंदांत विकली गेली. त्यामुळे दिलजीतच्या अनेक चाहत्यांना तिकिटांपासून वंचित रहावे लागले.
गेल्या काही दिवसांपासून दिलजीतच्या ‘दिल-लुमिनाती’ दौऱ्याची चर्चा आहे. या दौऱ्यात मुंबई शहराचाही समावेश आहे. ‘मुंबईसारखे कुठले शहर नाही. स्वप्नांचे शहर. जादुई शहर. दिल-लुमिनातीचा अनुभव मुंबईतील चाहत्यांसाठी घेऊन येण्याचा आनंद आहे’ अशी घोषणा काही दिवसांपूर्वी दिलजीत दोसांझने केली होती. दिलजीतच्या मुंबईतील चाहत्यांमध्ये या कार्यक्रमाची उत्कंठा आहे. कार्यक्रमाच्या सिल्व्हर कॅटेगिरीतील तिकिटांची किंमत 4999 रुपये आहे. ही तिकीट 50 सेकंदांच्या आता विकली गेली. गोल्ट कॅटेगिरीची तिकिटेही क्षणात विकली गेली. वरच्या श्रेणीतील तिकिटांची किंमत रुपये 21,999 आणि 60 हजार रुपये इतकी आहे.
