उत्तर प्रदेशातील अयोध्या येथे भीषण अपघाताची घटना घडली आहे. अयोध्या-लखनऊ महामार्गावर भरधाव ट्रकने ट्रॅव्हलरला जोरदार धडक दिली. यानंतर अजून एक कार त्यांना धडकली. यात कारमधील तिघांचा मृत्यू झाला तर अन्य 15 जण जखमी झाले. जखमींना उपचारासाठी नजीकच्या रुग्णालयात नेण्यात आले आहे.
अपघाताची माहिती मिळताच पोलीस आणि प्रशासकीय पथकाने घटनास्थळी धाव घेत मदतकार्य सुरू केले. अपघातग्रस्त वाहनांना रस्त्यावरून हटवून वाहतूक सुरळीत करण्यात आली.
जखमींपैकी दोघांची प्रकृती गंभीर आहे. दोघांना रुदौली सीएचसी येथे प्राथमिक उपचार करून पुढील उपचारासाठी जिल्हा रुग्णालयात दाखल करण्यात आले. काही जखमींवर उपचार करून त्यांना घरी सोडण्यात आले तर काहींवर रुग्णालयात उपचार सुरू आहेत.
