अमेरिकेचे उद्योगपती आणि ट्रम्प प्रशासनातील सहकारी एलॉन मस्क यांनी चीनमध्ये टेस्ला कंपनीच्या कारच्या दोन मॉडेल्सची विक्री थांबवली आहे. चीनने अमेरिकेच्या वस्तूंवर 125 टक्के कर लादल्याच्या निर्णयानंतर मस्क यांनी हा निर्णय घेतला आहे. टेस्लाच्या प्रीमियम कार एस आणि एक्स अशी या दोन मॉडेल्सची नावे आहेत. हे दोन्ही मॉडेल्स अमेरिकेतील कॅलिफॉर्निया प्लांटमध्ये तयार केली जातात. अमेरिकेच्या 145 टक्के टॅरिफला प्रत्युत्तर म्हणून चीनने अमेरिकेवर 125 टक्के टॅरिफ लादला आहे. ट्रम्प यांच्या चीनसोबतच्या टॅरिफ वॉरवर एलॉन मस्क यांनी अद्याप कोणतीही प्रतिक्रिया दिलेली नाही.
