मध्यवर्ती स्वारगेट बस स्थानकातून गावी जाणाऱ्या तरुणीवर बलात्कार झाला होता. या प्रकरणात आणखी एक मोठा खुलासा पीडित तरुणीने केला आहे. आरोपीने तिसऱ्यांदा अत्याचार करण्याचा प्रयत्न केल्याचे पीडितेने विधी व न्याय विभागाच्या प्रधान सचिवांना लिहिलेल्या पत्रात म्हटले आहे. तसेच सरकारी वकील देताना आपल्याला विचारात घेतले नसल्याचा आरोपही तिने केला आहे. पोलिसांच्या कामकाजावरही तिने प्रश्न उपस्थित केला आहे.
