जगन्नाथपुरी मठाचे शंकराचार्य स्वामी निश्चलानंद सरस्वती यांनी राममंदिराच्या प्राण प्रतिष्ठापना सोहळय़ासाठी अयोध्येला जाण्यास नकार दिला. पंतप्रधान नरेंद्र मोदी हे उद्घाटन करून त्या मूर्तीला स्पर्श करतील. मग मी त्या ठिकाणी काय फक्त टाळ्या वाजवायला जाऊ का, असा सवाल त्यांनी केला. मला माझ्या पदाची आणि प्रतिष्ठेची जाणीव आहे. त्यामुळे माझे तिथे जाणे योग्य नाही. यात राजकारणी आपला डाव खेळत आहेत, असा आरोपही त्यांनी केला.
