अलीकडे डायबेटीजचे प्रमाण वाढताना दिसत आहे. त्यामुळेच लाइफस्टाइल डिसीज म्हणून डायबेटीज ओळखला जात आहे. डायबेटीजच्या रुग्णांसाठी सूर्यनमस्कार खूप फायदेशीर आहे. यामुळे साखरेची पातळी कमी होते तसेच वजनही कमी होते. शिवाय, पचन प्रक्रिया देखील सुधारते. डायबेटीज रुग्णांसाठी सूर्यनमस्कार करण्याचे खूप सारे फायदे आहेत. मुख्य म्हणजे या व्यायामाकरता कुठलाही खर्च येत नसल्याने, हा व्यायाम प्रकार खूप महत्त्वाचाही मानला जातो. शिवाय घरच्या घरी आपण सूर्यनमस्कार करु शकतो. सूर्यनमस्कार केल्यामुळे आपले पचन सुधारते. तसेच वजनही नियंत्रणात राहते. त्यासोबतच तुमची हृदय व रक्तवाहिन्यासंबंधी प्रणाली देखील मजबूत होते.
चला जाणून घेऊया सूर्यनमस्काराचे फायदे
सूर्यनमस्कार केल्याने पचनसंस्था सक्रिय होते आणि बद्धकोष्ठतेची समस्याही कमी होते. याशिवाय, ताण आणि तणाव देखील कमी होतो.
सूर्यनमस्कार शरीराला लवचिक बनवतो आणि सांधेदुखी देखील कमी करतो.
शरीराला टोन देण्याचे आणि स्नायूंना बळकटी देण्याचे काम सूर्यनमस्कार करते.
रोगप्रतिकारक शक्ती मजबूत करण्यासाठी सूर्यनमस्कार फार महत्त्वाची भूमिका बजावते. याशिवाय शरीरात होणाऱ्या किरकोळ संसर्गांना दूर करण्यास देखील मदत करते.
सूर्यनमस्कार श्वसनाच्या समस्या संसर्ग दूर करते आणि फुफ्फुसांची क्षमता आणि शरीरात ऑक्सिजनचा प्रवाह देखील वाढवते.
सूर्यनमस्कारामुळे शरीरातील रक्ताभिसरण सुधारते. याशिवाय केसांना निरोगी बनवते. सूर्यनमस्कार ही एक शक्तिशाली पद्धत आहे. हे शरीर, श्वास आणि चेतना यांच्यात खोल संबंध निर्माण करते. ते शरीराला जागरूक करण्याचे काम करते.
सूर्यनमस्कार करताना, श्वास घेण्याच्या पद्धतीकडे विशेष लक्ष दिले पाहिजे. यामुळे तुमच्या फुफ्फुसांपर्यंत हवा योग्यरित्या पोहोचते. शरीराला आतून डिटॉक्स करण्याचे काम करते. एवढेच नाही तर ते शरीराला आतून स्वच्छ करण्याचे काम करते.
सूर्यनमस्कार केल्याने पोटाचे स्नायू ताणले जातात. जे वजन कमी करण्यास मदत करते. यामुळे, चयापचय देखील सुधारतो.
(कोणतेही उपाय करण्याआधी तज्ज्ञांचा सल्ला अवश्य घ्यावा.)
