दिंडोशी विधानसभा क्षेत्रातील कचऱ्याची समस्या, घरोघरी जाऊन कचरा संकलनामध्ये येणाऱया अडचणी, शिवशाही पुनर्वसन प्रकल्प, झोपडपट्टी पुनर्वसन प्राधिकरणामार्फत बांधण्यात आलेल्या इमारतींमधून महापालिकेमार्फत कचरा संकलन करणे, मॅनिंग मॉपिंग योजना आणि वस्ती स्वच्छता योजना लागू कराव्या यासह दिंडोशी विधानसभा क्षेत्रातील लॉट 12 ची कामे मागील दोन वर्षांत धिम्या गतीने सुरू असून नागरिकांची मोठ्या प्रमाणात गैरसोय होत असून यावर तत्काळ उपाययोजना करावी, म्हाडा मार्फत बांधण्यात आलेल्या ज्या शौचालयांचे दरवाजे सडून खराब झाले आहेत, शौच कूप तुटले आहेत याबाबत दिलेले प्रस्ताव मंजूर असून सदर कामे तातडीने सुरू करावीत आदी विषयांवर पालिकेच्या घनकचरा व्यवस्थापन विभागाचे उपायुक्त किरण दिघावकर यांच्यासोबत शिवसेना नेते, आमदार सुनील प्रभू यांनी बैठक घेतली.
उपायुक्त किरण दिघावकर यांनी सर्व समस्या सोडविण्याबाबत सकारात्मक प्रतिसाद दिला. यावेळी दिंडोशी विधानसभा संघटक प्रशांत कदम, माजी महापौर सुहास वाडकर, माजी नगरसेवक तुळशीराम शिंदे, उपविभागप्रमुख भाई परब, सुनील गुजर, प्रदीप निकम, शाखाप्रमुख संपत मोरे, विजय गावडे, संदीप जाधव, रमेश कळंबे, अशोक राणे तसेच महापालिकेच्या घनकचरा व्यवस्थापन विभागाचे कार्यकारी अभियंता अजय पाटणे, पी उत्तर विभागाचे कार्यकारी अभियंता हरिश्चंद्र जाधव आणि इतर कर्मचारी उपस्थित होते.
