राज्य सरकारने आज भारतीय प्रशासकीय सेवेतील 9 सनदी अधिकाऱ्यांच्या बदल्यांचे आदेश जारी केले. यामध्ये उत्पादन शुल्क विभागाचे आयुक्त डॉ. विजय सूर्यवंशी यांची बदली कोकण विभागीय आयुक्त म्हणून तर कोकण विभागीय आयुक्त डॉ. राजेश देशमुख यांची नेमणूक राज्य उत्पादन शुल्क आयुक्त म्हणून करण्यात आली आहे.
नयना गुंडे यांची बदली महिला आणि बालविकास आयुक्त, पुणे येथे झाली आहे. विमला आर. यांची नेमणूक निवासी आयुक्त आणि सचिव म्हणून महाराष्ट्र सदन, नवी दिल्ली येथे करण्यात आली आहे. सिद्धराम सालीमठ साखर आयुक्त, पुणे तर भंडारा जिल्हा परिषदेचे मुख्य कार्यकारी अधिकारी म्हणून मिलिंदकुमार साळवे यांची नियुक्ती करण्यात आली आहे. डॉ. सचिन ओंबासे यांची बदली सोलापूर पालिका आयुक्तपदी, लीना बनसोड यांची बदली आदिवासी विकास आयुक्त, नाशिक तर राहुल कुमार मीना यांची बदली लातूर जिल्हा परिषदेचे मुख्य कार्यकारी अधिकारीपदी झाली आहे.
