दाक्षिणात्य अभिनेता, ‘पुष्पा 2’ चित्रपटाचा नायक अल्लू अर्जुनला आज न्यायालयाने संध्या थिएटर चेंगराचेंगरी प्रकरणात मोठा दिलासा दिला आहे. नामपल्ली न्यायालयाने अल्लू अर्जुनला नियमित जामीन मंजूर केला आहे. न्यायालयाने अल्लू अर्जुनला प्रत्येकी 50,000 रुपयांचे दोन हमीदार सादर करण्याचे निर्देश दिले आहेत.
पुष्पा 2 चित्रपटाच्या प्रीमिअर शो दरम्यान अल्लू अर्जुनला पाहण्यासाठी चाहत्यांची गर्दी उसळली होती. यावेळी चेंगराचेंगरी होऊन एका महिलेचा मृत्यू झाला तर तिचा 8 वर्षाचा मुलगा गंभीर जखमी झाला. जखमी मुलावर रुग्णालयात उपचार सुरू आहेत.
