दक्षिण कोरियाच्या लष्करी विमानांनी गुरुवारी चुकून फायरिंग रेंजच्या बाहेर बॉम्ब डागल्याची घटना घडली आहे. या घटनेत सात जण जखमी झाल्याचं वृत्त आहे.
योनहाप न्यूज एजन्सीनं दिलेल्या वृत्तानुसार दक्षिण कोरियाच्या केएफ-16 विमानाने उत्तर कोरियाच्या सीमेपासून 25 किलोमीटर दक्षिणेस असलेल्या पोचेओन येथे चुकून आठ एमके-82 हे बॉम्ब डागले. हवाई दलाकडून ही माहिती देण्यात आल्याचं या वृत्तात म्हटलं आहे.
‘वायुसेनेच्या केएफ-16 विमानातून आठ एमके-82 कमी तीव्रतेचे बॉम्ब चुकून डागले, हे बॉम्ब नियुक्त केलेल्या फायरिंग रेंजच्या बाहेर पडले’, असे हवाई दलाने म्हटले आहे.
सकाळी 10:00 वाजता ही दुर्घटना घडली. हवाई दलाने एका निवेदनात सात नागरिक जखमी झाल्याची कबुली देत खेद व्यक्त केला आहे. तसेच जखमी लवकर बरे व्हावेत यासाठी प्रार्थना व्यक्त केल्या आहेत.
❗️Video emerges of ROKAF fighter’s accidental bombing in South Korea
Officials said eight bombs were “abnormally released” from a fighter jet during a live-fire military exercise. pic.twitter.com/GQBgA2p63h
— RT (@RT_com) March 6, 2025
दरम्यान या घटनेची चौकशी करण्यासाठी लष्कराने एक समिती स्थापन केली आहे आणि जखमींना भरपाई देण्याची घोषणा केली आहे.
ही घटना हवाई दल आणि लष्कराच्या संयुक्त लाईव्ह-फायर प्रशिक्षण ऑपरेशन दरम्यान घडली.
योनहाप न्यूज एजन्सीच्या मते, हा सराव पोचेओनमधील दक्षिण कोरिया-अमेरिकेच्या संयुक्त लष्करी सरावाचा भाग होता.
