साऊथचा प्रसिद्ध अभिनेता नागा चैतन्य याच्या घटस्फोटानंतर त्याच्या डेटिंगच्या चर्चा सुरु होत्या. सामंथासोबत घटस्फोटानंतर नागा चैतन्यचे नाव अभिनेत्री शोभिता धुलिपालसोबत जोडले जात होते. मात्र दोघांनी यावर मौन राखणेच पसंत केले होते. अशातच अभिनेता नागा चैतन्य आणि अभिनेत्री शोभिता धुलिपान यांनी आज सकाळी 8 ऑगस्ट रोजी साखरपुडा केल्याचे समोर आले आहे. त्यांच्या साखरपुड्याचा पहिला फोटो समोर आला आहे. नागार्जुन अक्किनेनी यांनी मुलाच्या साखरुड्यानंतर पहिला फोटो एक्सवर शेअर करत त्यांना शुभेच्छा दिल्या आहेत.
नागा चैतन्यच्या साखरपुड्यानंतर अभिनेता नागार्जुन अक्किनेनी यांनी एक्सवर एक पोस्ट शेअर केली आहे. ती शेअर करताना सोबत त्यांनी मुलाचा साखरपुडा असे अधिकृत जाहीर केले आहे. त्यांनी आपल्या पोस्टमध्ये लिहीले आहे की, मला सांगायला आनंद होत आहे की, मुलगा नागा चैतन्य यांनी शोभिता धुलिपाल सोबत साखरपुडा केला आहे. आज सकाळी 9.42 वाजता झाला. आम्ही शोभिताचे आमच्या कुटुंबात स्वागत करण्यासाठी आनंदी आणि उत्साही आहोत. दोघांनाही खूप साऱ्या शुभेच्छा. आयुष्यभराचा आनंद आणि प्रेमासाठी खूप साऱ्या शुभेच्छा. नागार्जुन यांनी ही पोस्ट शेअर केल्यानंतप चाहत्यांनी भरभरुन शुभेच्छा दिल्या. चाहत्यांनी नागार्जुन याला नव्या आयुष्याच्या सुरुवातीसाठी शुभेच्छा दिल्या आहेत.
“We are delighted to announce the engagement of our son, Naga Chaitanya, to Sobhita Dhulipala, which took place this morning at 9:42 a.m.!!
We are overjoyed to welcome her into our family.
Congratulations to the happy couple!
Wishing them a lifetime of love and happiness. 💐… pic.twitter.com/buiBGa52lD— Nagarjuna Akkineni (@iamnagarjuna) August 8, 2024
नागा चैतन्य याचा शोभिता धुलिपालसोबत दुसरे लग्न करणार आहे. याआधी त्याचे लग्न अभिनेत्री सामंथा हिच्यासोबत झाले होते. दोघांनी 2017 साली लग्न केले होते, मात्र लग्नाच्या अवघ्या 4 वर्षानंतर दोघं विभक्त झाले आणि त्यांनी घटस्फोट घेतला. हे नाते तुटण्यामागे सामंथाला दोषी मानण्यात आले होते.
