प्रसिद्ध तमिळ चित्रपट अभिनेते दिल्ली गणेश यांचे शनिवारी वयोपरत्वे आजाराने निधन झाले. वयाच्या 80 व्या वर्षी त्यांनी रामापुरम येथील घरी अखेरचा श्वास घेतला. मुलगा महादेवन यांनी सोशल मीडियावर पोस्ट लिहून त्यांच्या निधनाची माहिती दिली. दिल्ली गणेश यांच्या पार्थिवावर आज चेन्नईत अंत्यसंस्कार झाले.
दिल्ली गणेशचा जन्म 1 ऑगस्ट 1944 रोजी तामिळनाडूतल्या तिरुनेलवेली जिह्यात झाला. डॉ. गणेश यांनी 1964 ते 1974 या काळात वायुसेनेमध्ये एक दशकभर काम केल्यानंतर अभिनय क्षेत्रात करिअरला सुरुवात केली. 1976 मध्ये, दिल्ली गणेशने दिग्गज दक्षिण चित्रपट निर्माते के. बालचंदर यांच्या ‘पट्टिना प्रावेशव’ चित्रपटातून फिल्मी करियरची सुरुवात केली. तमिळ, तेलुगु आणि मल्याळम इंडस्ट्रीमध्ये त्यांनी काम केले.
