मुंबईकरांचे आराध्य दैवत असलेल्या प्रभादेवी येथील श्री सिद्धिविनायक गणपती मंदिरातील ‘श्रीं’च्या मूर्तीला बुधवार 11 डिसेंबर ते रविवार 15 डिसेंबर या कालावधीत सिंदूर लेपन करण्यात येणार आहे. या कालावधीत भाविकांना श्रींच्या प्रत्यक्ष मूर्तीचे दर्शन घेता येणार नाही. परंतु श्रींच्या प्रतिमूर्तीचे दर्शन भाविकांना दिले जाईल. सोमवार 16 डिसेंबर या दिवशी ‘श्रीं’च्या मूर्तीचा प्रोक्षणविधी, नैवेद्य व आरती झाल्यानंतर दुपारी 1 वाजता भाविकांना नेहमीप्रमाणे गाभाऱयातून श्रींचे दर्शन देण्यात येईल, अशी माहिती श्री सिद्धिविनायक गणपती मंदिर न्यासाच्यावतीने देण्यात आली.
