गद्दार गँगचा सदस्य असलेले हिंगोली जिह्यातील कळमनुरी मतदारसंघातील मिंधे गटाचे उमेदवार संतोष बांगरला नागरिकांनी जबरदस्त तडाखा दिला. मते मागण्यासाठी गेलेल्या आमदार संतोष बांगर यांच्या पत्नीला मतदारांनी गावातून हाकलून लावले. संतोष बांगरला आम्ही अजिबात मते देणार नाही, चला येथून निघा, अशा शब्दांत गावकऱयांनी सुनावले. या संबंधीचा एक व्हिडीओ सध्या सोशल मीडियावर प्रचंड व्हायरल होत आहे. बांगर यांच्या पत्नी एका घरी जातात आणि तिथल्या नागरिकांना सांगतात की, 20 तारखेला धनुष्यबाणाला मतदान करायचं आहे, तेवढय़ात तिथे उपस्थित असलेली एक व्यक्ती म्हणते, ‘नाही…नाही…नाही देणार आम्ही तुम्हाला मते.’ तेवढय़ात प्रचाराला आलेल्या कार्यकर्त्यांनी तिथून काढता पाय घेतला. या व्हिडीओमुळे चांगलीच खळबळ उडाली आहे.
माझा उमेदवारी अर्ज दाखल करताना मोठे शक्तीप्रदर्शन करावे, यासाठी मिळेल तेवढय़ा गाडय़ा आणाव्यात, असे संतोष बांगर यांनी जिह्यातील बाहेरगावी असलेल्या मतदारांना मतदानादिवशी गावात आणण्यासाठी पह्न पे करा, म्हटले होते.
