राष्ट्रवादी काँग्रेस (शरदचंद्र पवार)पक्षाचे अध्यक्ष शरद पवार यांच्या उपस्थितीत वडगाव शेरी विधानसभा मतदार संघाचे माजी आमदार बापू पठारे आणि त्यांचे चिरंजीव सुरेंद्र पठारे यांनी माजी नगरसेवक महादेव पठारे, महेंद्र पठारे व भैय्यासाहेब जाधव यांच्यासह राष्ट्रवादी काँग्रेस पक्ष- शरदचंद्र पवार पक्षात पक्षप्रवेश केला. शरद पवार यांनी यावेळी त्यांचे पक्षात स्वागत करून त्यांना पुढील राजकीय व सामाजिक वाटचालीसाठी शुभेच्छा दिल्या. यावेळी सुहास उभे उपस्थित होते. बापूसाहेब पठारे यांच्या घरवापसीमुळे भाजपला धक्का बसला आहे.
2019 च्या विधानसभा निवडणुकीच्या अगदी जवळपास बापू पठारे यांनी भाजपमध्ये प्रवेश केला होता. मात्र आता त्यांनी पुन्हा मूळ राष्ट्रवादी काँग्रेस पक्षात पुर्नप्रवेश केला असल्यानं भाजपला तो मोठा फटका मानला जात आहे. दरम्यान, राष्ट्रवादी काँग्रेसच्या नेत्या सुप्रीया सुळे यांनी त्यांचे पक्षात स्वागत केले आहे.
आदरणीय पवार साहेबांच्या प्रमुख उपस्थितीत वडगाव शेरी विधानसभा मतदार संघाचे माजी आमदार बापूसाहेब पठारे आणि त्यांचे चिरंजीव सुरेंद्र पठारे यांनी माजी नगरसेवक महादेव पठारे, महेंद्र पठारे व भैय्यासाहेब जाधव यांच्यासह नॅशनॅलिस्ट काँग्रेस पार्टी- शरदचंद्र पवार (@NCPspeaks) पक्षात… pic.twitter.com/gOi8rgWzrU
— Supriya Sule (@supriya_sule) September 17, 2024
