सांगोले येथे महाविकास आघाडीच्या उमेदवार दिपकआबा बापूसाहेब साळुंखे यांच्या प्रचारासाठी शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांनी सभा घेतली. यावेळी शिवसैनिकांनी मोठ्या संख्येने या सभेला उपस्थिती लावून प्रतिसाद दिला. दरम्यान या सभेत उद्धव ठाकरे यांनी महायुतीच्या भ्रष्ट कारभाराची पोलखोल केली. ते फक्त आश्वासने देतात, प्रत्यक्षात काही मिळत नाही. मात्र आपण वचन पाळणारे आहोत. आम्ही दिलेली आश्वासने पूर्ण करणारच, असे वचन उद्धव ठाकरे यांनी जनतेला दिले.
