तालुक्यातील कुसगाव मोहल्ला येथील शिंदे गटाच्या कार्यकर्त्यांनी शिवसेनेत (उद्धव बाळासाहेब ठाकरे) जाहीर प्रवेश केला. कॅप्टन निवास नवे नगर येथे झालेल्या या सोहळ्यात हनुमान जगताप यांनी सर्व कार्यकर्त्यांच्या हाती शिवबंधन बांधून पक्षात स्वागत केले. यावेळी उपजिल्हाप्रमुख पद्माकर मोरे, तालुकाप्रमुख आशीष फळसकर, विधानसभा संघटक धनंजय देशमुख, उपतालुकाप्रमुख चैतन्य उर्फ बाबू महामुनकर उपस्थित होते. माजी नगराध्यक्षा स्नेहल जगताप यांच्या पाठीशी ठामपणे उभे राहतानाच मुनाफ पठाण, शाहिद कोंडीवकर, पठाण मजिद, तंजेम पठाण, एडम कोंडिवकर, फरहान पठाण, नसरुद्दीन कोंडिवकर, फैसल कोंडिवकर यांनी गद्दार आमदार भरत गोगावले यांना धडा शिकवण्याचा निर्धार केला.
