महाविकास आघाडीने एवढ्या घोषणा दिल्या आहेत, त्यांचा बाप तरी पुर्ण करेल का असे विधान उपमुख्यमंत्री अजित पवार यांनी केले होते. त्यावर बाप कशाला तुमचा काकाच ही सर्व आश्वासन पूर्ण करतील असे जोरदार प्रत्युत्तर जयंत पाटील यांनी दिले आहे.
नाशिकमध्ये जयंत पाटील यांना गणेश गिते यांच्या प्रचारासाठी सभा घेतली. तेव्हा पाटील यांनी महाविकास आघाडीने मतदारांना काय वचनं दिली याची माहिती देत होते. तेव्हा पाटील म्हणाले की सांगलीत अजित पवार म्हणत होते की महाविकास आघाडीने एवढ्या घोषणा दिल्या, एवढी आश्वासनं दिली की ती त्यांच्या बापालाही पूर्ण करता येतील का? तेव्हा जयंत पाटील म्हणाले की, या पाच मागण्या विचार करून आम्ही आणल्या आहेत. महायुतीने हजारो घोषणा केल्या, पण एकही घोषणा धड नाही, सगळ्या भाराभार चिंध्या. अजित पवारांनी बापाचा विषय काढू नये. महाविकास आघाडीची आश्वासनं तुमचे काकाच पूर्ण करतील असे जयंत पाटील म्हणाले.
