कळमनुरी मतदारसंघात पराभव समोर दिसत असल्यामुळे बिथरलेल्या गद्दार आमदार संतोष बांगरांनी राजरोस पैसे आणि दारूचे वाटप सुरू केले आहे. वाकोडी येथे सुरू असलेले पैसे वाटप थांबवताच पिसाटलेल्या बांगरांच्या गुंडांनी जातीवाचक शिवीगाळ करत तुफान दगडफेक केली. शिवसैनिकांच्या गाडय़ा फोडल्या. काही शिवसैनिकांना बेदम मारहाणही करण्यात आली. हा प्रकार कळताच शिवसेनेचे उमेदवार डॉ. संतोष टारफे यांच्यासह इतर पदाधिकाऱ्यांनी कळमनुरी पोलीस ठाण्यात धाव घेतली. मात्र पोलिसांनी षंढ भूमिका घेतल्याने संतप्त शिवसैनिकांनी पोलीस ठाण्याला घेराव घातला. रात्री उशिरापर्यंत या प्रकरणी गुन्हा दाखल करण्याची प्रक्रिया सुरू होती.
