आरजी कर महाविद्यालयातील प्रशिक्षणार्थी डॉक्टर तरुणीवर बलात्कार करून तिची हत्या केल्याप्रकरणी मुख्य आरोपी संजय रॉय याने पुन्हा एकदा संपूर्ण घटनेसाठी मुख्यमंत्री ममता बॅनर्जी यांना जबाबदार धरले आहे. तसेच पोलिसांवर आरोप करत पोलीस आयुक्त विनीत गोयल यांनीच मला या प्रकरणात गोवल्याचा आरोप केला आहे. आज सियालदह न्यायालयात हजर झाल्यानंतर त्याला परत नेले जात असताना संजय रॉय पोलीस व्हॅनमध्येच ओरडू लागला. या संपूर्ण घटनेचा कट विनीत गोयलनेच रचला आणि मला गोवल्याचा आरोप त्याने केला.
