‘एक्झिट पोलमध्ये भाजप आणि महायुतीला मोठे आकडे दाखवले जात होते. मात्र प्रत्यक्षात आताचे कल लक्षात घेता देशात, उत्तर प्रदेशात आणि महाराष्ट्रात INDIA आघाडीच्या दिशेनंच कल आहे. निकाल काहीही लागो हाच देशाचा कल आहे’, असा विश्वास शिवसेना (उद्धव बाळासाहेब ठाकरे) पक्षाचे नेते खासदार संजय राऊत यांनी व्यक्त केला.
‘मी निकालांवर काही बोलणार नाही. कारण हे फक्त कल आहेत. तुम्ही विचारत आहात म्हणून मी कलाच्या दृष्टीने उत्तर देत आहे’, असं संजय राऊत यांनी स्पष्ट केलं. त्याचवेळी त्यांनी पंतप्रधान नरेंद्र मोदींना देखील लक्ष्य केलं. ‘पहिल्या तीन फेरींमध्ये देवाचे अवतार आणि काशीचे पुत्र म्हणवणारे नरेंद्र मोदी हे पिछाडीवर होते. तेव्हा हा जो कल आहे, उत्तर प्रदेशचा जो कल आहे तोच देशाचा कल आहे’, असा हल्लाबोल संजय राऊत यांनी केला.
