खासदार फोडण्यासाठी सत्ताधाऱ्याकडून आर्थिक आमिषे दाखवली जात आहेत, असा गौप्यस्फोट शिवसेना खासदार संजय देशमुख यांनी आज केला. नाशिकमधील वणी येथे आयोजित एका कार्यक्रमात ते बोलत होते. जनतेचे प्रश्न सोडवण्यासाठी प्रसंगी रस्त्यावर उतरावे लागले तरी शिवसेना रस्त्यावर उतरून आंदोलन करेल आणि लोकांना न्याय मिळवून देईल यात तीळमात्र शंका नाही, असा विश्वासही खासदार देशमुख यांनी यावेळी व्यक्त केला.
नाशिकमधील वणी येथे आयोजित कार्यक्रमात खासदार संजय देशमुख बोलत होते. हिंदुहृदयसम्राट शिवसेनाप्रमुख बाळासाहेब ठाकरे यांचे पुत्र, शिवसेना पक्षप्रमुख उद्धव ठाकरे यांच्या नेतृत्वातील शिवसेना खिळखिळी करण्याचा प्रयत्न सत्ताधाऱ्याकडून रात्रंदिवस सुरू आहे, असा गंभीर आरोपही खासदार देशमुख यांनी यावेळी केला. विरोधी पक्षाचे आमदार, खासदार पह्डण्यासाठी देशात व महाराष्ट्रात दबावतंत्राचा वापर होतोय. पैशाचे आमिष दाखवले जातेय. वेगवेगळय़ा युक्त्या लढवल्या जात आहेत, असे खासदार देशमुख म्हणाले.
