पश्चिम विधानसभा मतदारसंघातील महाविकास आघाडी व शिवसेनेच उमेदवार राजू शिंदे यांनी आज मंगळवारी शिवशंकर कॉलनी, उत्तमनगर, बालाजीनगर, बौद्धनगर या भागात जोरदार प्रचार रॅली काढून परिसर दणाणून सोडला. या रॅलीसह कॉर्नर बैठकांना मतदारांचा प्रचंड प्रतिसाद मिळाला.
शिवसेनेचे उमेदवार राजू शिंदे हे घरोघरी जाऊन प्रचार करीत आहेत. मतदारांकडून त्यांना उत्स्फूर्त प्रतिसाद मिळत आहे. शिवशंकर कॉलनी, उत्तमनगर, बालाजीनगर, बौद्धनगर भागात प्रचार रॅली येताच घराघरातून महिलांनी राजू शिंदे यांचे औक्षण करून स्वागत केले. कार्यकर्त्यांनी देखील ढोल-ताशांच्या गजरात फटाक्यांची आतषबाजी करीत जोरदार घोषणाबाजीने परिसर दणाणून सोडला.
या प्रचारफेरीला प्रभारी जिल्हाप्रमुख त्र्यंबक तुपे, राजू वैद्य, पश्चिम विभागाचे शहरप्रमुख हरिभाऊ हिवाळे, उपशहरप्रमुख बापू पवार, उपजिल्हाप्रमुख राजू राठोड, सातारा गावचे माजी सरपंच फिरोज पटेल, माजी नगरसेवक अविनाश कुमावत, जनार्दन कोऱ्हाळे, प्रल्हाद निमगावकर, किरण तुपे, महिला आघाडीच्या जिल्हा संघटक आशा दातार, शहर संघटक वैशाली आरक, रेणुका जोशी, मंजुषा नागरे, उषा कावरे, आरती हिवाळे, गोरख सोनवणे, अनिल थोटे, विजय जाधव यांच्यासह शहर आणि महिला आघाडीचे पदाधिकारी, कार्यकर्ते, युवा सेनेचे पदाधिकारी उपस्थित होते.
