रेल्वेगाड्यांची चौकशी करण्यासाठी किंवा तिकिटांसाठी अनेकदा प्रवाशांना रांगा लावाव्या लागतात. यापासून प्रवाशांची सुटका व्हावी म्हणून रेल्वे ‘स्वरेल’ नावाचे सुपरॲप तयार करीत आहे. सध्या | सुपरॲपची चाचणी सुरू आहे. तब्बल 10 हजार लोकांद्वारे त्याचे परीक्षण केले जात आहे. अॅप एप्रिलनंतर प्रवाशांसाठी उपलब्ध होईल. त्यामध्ये तिकीट, कॅब, हॉटेल, व्हीलचेअर बुकिंग, मेडिकल एमर्जन्सी, पोलीस संपर्क अशी व्यवस्था आहे.
‘स्वरेल’ अॅप अॅण्ड्रॉइड व आयओएस अशा दोन्हींवर चालेल. रेल्वेच्या ‘सेंटर फॉर रेल्वे इन्फर्मेशन सेंटर युनिट’ने दोन वर्षांत अॅपची निर्मिती केली आहे. यामध्ये सर्व सुविधा असतील. जणू ‘सिंगल सोल्युशन विंडो’ तयार केली आहे
कोणकोणत्या सुविधा मिळतील? गाडीची स्थिती, आरक्षित- अनारक्षित व प्लॅटफॉर्म तिकीट बुकिंग, ऑनलाईन फूड ऑर्डर, पार्सल बुकिंग, कॅब-हॉटेल रूम बुकिंग, आसनांची स्थिती, ब्रेक जर्नी तिकिटाचा तपशील, नैसर्गिक संकटाची माहिती, चोरी व इतर गुन्ह्यांच्या बुकिंग, कुली बुकिंग, कुलीस प्रीपेड पेमेंट, बोगी क्लीनिंग रिक्वेस्ट, बोगीमधील तांत्रिक दोष दूर करण्यासाठी विनंती, सेवेत घट, भाड्याचा परताव्यासाठी विनंती आदी सुविधा मिळतील.
