अमरावतीच्या धामणगाव रेल्वेस्थानकाजवळ रेल्वे ट्रॅक तुटल्याने मोठी खळबळ उडाली. रुळाच्या जॉईंटमधील वेल्डींग उखळल्याने रेल्वे ट्रॅक तुटला. ट्रॅकमनच्या सतर्कतेमुळे अहमदाबाद-पुरी एक्सप्रेसचा अपघात टळला आहे. ट्रॅकमनने 4 किमी धावत रेल्वे रोखल्याने पुढील अनर्थ टळला. भोलाराम मीना असे ट्रॅकमनचे नाव आहे.
रेल्वे ट्रॅक तुटल्याचे लक्षात येताच ट्रॅकमनने त्या मार्गावर येणारी अहमदाबाद-पुरी एक्सप्रेस 4 किमी धावत जाऊन वेळेत थांबवली. या कामगिरीबाबत ट्रॅकमनवर सर्वत्र कौतुकाचा वर्षाव होत आहे. याबाबत रेल्वे प्रशासनाला माहिती मिळताच प्रशासकीय पथक तात्काळ घटनास्थळी दाखल झाले. रेल्वे ट्रॅक दुरुस्तीचं काम युद्धपातळीवर सुरू आहे.
