रायगडमध्ये एका रासायनिक कारखान्यात गुरुवारी सकाळी स्फोट झाला. या स्फोटात दोन कामगार ठार झाले तर चार जण जखमी झाले. रोहा शहरातील साधना नायट्रो केम लिमिटेडमध्ये ही दुर्घटना घडली.
रायगडचे पोलीस अधीक्षक सोमनाथ घार्गे यांनी दिलेल्या माहितीनुसार, कारखान्यातील केमिकल प्लांटच्या स्टोरेज टँकमध्ये स्फोट झाला. यात दोन कामगारांचा जागीच मृत्यू झाला. घटनेची माहिती मिळताच अग्नीशमन दल आणि स्थानिक पोलिसांनी घटनास्थळी धाव घेत बचावकार्य सुरू केले.
स्फोटात जखमी झालेल्या कामगारांना उपचारासाठी रोहा येथील शासकीय रुग्णालयात दाखल करण्यात आले. मृत कामगारांचे मृतदेह शवविच्छेदनासाठी पाठवण्यात आले आहेत.
