रायगडमधील पाली-खोपोली मार्गावर स्कूल बस आणि दुचाकीमध्ये भीषण अपघात झाल्याची घटना बुधवारी दुपारी घडली. या अपघातात दुचाकीवरील तिघांचा जागीच मृत्यू झाला आहे. अपघाताची माहिती मिळताच पोलिसांनी घटनास्थळी धाव घेत मदतकार्य सुरू केले.
पाली-खोपोली रोडवरील कानसळ गावाजवळ ही भीषण घटना घडली आहे. तिन्ही मृतदेह जांभूळपाडा प्राथमिक आरोग्य केंद्रात नेण्यात आले. पोलीस पुढील कार्यवाही करत आहेत. अद्याप मृतांची ओळख पटली नाही. पोलीस ओळख पटवण्याचा प्रयत्न करत आहेत.
