मुस्लिमांना उपेक्षित ठेवून त्यांचे कायदे आणि त्यांचा जमिनीचा अधिकार हिरावून घेण्यासाठीचे वक्फ सुधारणा विधेयक हे शस्त्र म्हणून वापरण्याचा मोदी सरकारचा डाव आहे, असा आरोप लोकसभेतील विरोधी पक्षनेते राहुल गांधी यांनी वक्फ सुधारणा विधेयकावरून मोदी सरकारवर केला. भाजप, आरएसएस आणि त्यांच्या घटक पक्ष तसेच सहकाऱ्यांकडून राज्यघटनेवर हल्ला करण्यात येत आहे. भविष्यात इतर समुदायांना लक्ष्य करण्याचे हे एक उदाहरण आहे, असेही ते म्हणाले. कलम 25 मधील धार्मिक स्वातंत्र्याचा अधिकार हिरावून घेणाऱया आणि कायद्याचे उल्लंघन करणाऱ्या या विधेयकाला काँग्रेसचा कडाडून विरोध राहील, असे राहुल गांधी यांनी म्हटले आहे.
