लोकसभेतील विरोधी पक्षनेते राहुल गांधी यांनी सोमवारी परभणी येथे सोमनाथ सुर्यवंशीच्या कुटुबीयांची भेट घेतली. या भेटीनंतर त्यांनी प्रसारमाध्यमांशी संवाद साधला. यावेळी त्यांनी या घटनेसाठी संविधान विरोधी विचारधारा व मुख्यमंत्री जबाबदार असल्याची टीका केली आहे.
“सोमनाथ सूर्यवंशी की पुलिस हिरासत में हत्या इसलिए की गई क्योंकि वह दलित है, और संविधान को बचाने की लड़ाई लड़ रहा था” – नेता विपक्ष श्री @RahulGandhi जी pic.twitter.com/NUsJFbwd3E
— Srinivas BV (@srinivasiyc) December 23, 2024
सोमनाथ सुर्यवंशीच्या कुटुबीयांनी मला पोस्टमार्टम अहवाल दाखवला, व्हिडीओ दाखवले. फोटोग्राफ दाखवले. शंभर टक्के हा कोठडीतला मृत्यू आहे. पोलिसांनी सोमनाथ सुर्यवंशीची हत्या केली आहे. मुख्यमंत्री या घटनेबाबत पोलिसांना संदेश देण्यासाठी विधानसभेत खोटं बोलले. या तरुणाला तो दलित आहे म्हणून मारलं. तो संविधानाची रक्षा करत होता म्हणून मारलं आहे. राष्ट्रीय स्वयंसेवकाची विचारधारा संविधानाला संपविण्याची आहे. ही हत्या आहे. याला जबाबदार मुख्यमंत्री आहेत, संविधान विरोधी विचारधारा आहे, अशी टीका राहुल गांधी यांनी केली आहे.
