भरधाव बोलेरो पिकअप वाहनाने कँटरला धडक दिल्याने 9 जणांचा जागीच मृत्यू झाला. अपघातात 11 जण गंभीर जखमी आहे. जखमींना उपचारासाठी रुग्णालयात दाखल करण्यात आले आहे. अपघाताची माहिती मिळताच स्थानिक पोलीस आणि आपत्कालीन पथक घटनास्थळी दाखल झाले. पंजाबच्या फिरोजपुर-फाजिल्का रोडवर शुक्रवारी ही घटना घडली.
बोलेरो पिकअपमधून सर्व मजूर फिरोजपूरहून ग्रामीण भागात चालले होते. यावेळी अतिवेगामुळे चालकाचे नियंत्रण सुटले आणि पिकअप कँटरवर धडकली. यात 9 जणांचा मृत्यू झाला. अपघातात मयत आणि जखमी झालेले सर्व मजूर लग्नसमारंभात वेटरची कामं करायचे. अपघातानंतर महामार्गावर वाहतूक कोंडी निर्माण झाली.
