धर्मादाय रुग्णालयाने त्यांच्या उत्पन्नाच्या दोन टक्के निधी गरीब, निराधार व अल्प उत्पन्न गटातील लोकांच्या उपचारासाठी राखून ठेवावा, असा नियम आहे. मात्र, दीनानाथ मंगेशकर रुग्णालयाकडे जमा असलेला 35 कोटी 48 लाख रुपयांचा निधी वापरलाच गेला नसल्याचे या अहवालातून समोर आले आहे.
पैसे न भरल्यामुळे तनिषा भिसे या गर्भवती महिलेवर दीनानाथ मंगेशकर रुग्णालयात उपचार केले गेले नाहीत. त्यामुळे तनिषा यांचा मृत्यू झाला. या प्रकरणानंतर दीनानाथ मंगेशकर रुग्णालयाचे रोज नवे कारनामे उघड होत आहेत.
