गेल्या महिन्यात पुण्यातील कल्याणी नगर येथे झालेल्या हिट अँड रन प्रकरणाने संपूर्ण देशभरात खळबळ माजवली होती. त्यानंतर हिंजेवाडी येथे दोन दिवसांपूर्वी घडलेल्या एका हिट अँड रन प्रकरणाचा व्हिडीओ व्हायरल झाला होता. आता आणखी एक व्हिडीओ समोर आला असून तो पुण्यातील पिंपरी चिंचवड येथील असून यात एक भरधाव वॅगनार कार महिलेला उडवताना दिसत आहे. या अपघातात महिला गंभीर जखमी झाली असून तिच्यावर स्थानिक रुग्णालयात उपचार सुरू असल्याचे समजते.
VIDEO | A woman was thrown in the air and seriously injured after being hit by a speeding car in Pimpri Chinchwad city of Maharashtra.
The incident is said to have happened on June 12 at the Swaraj Chowk in MIDC Bhosari Police Station limits. The woman was later taken to the… pic.twitter.com/uyoLuB2L51
— Press Trust of India (@PTI_News) June 13, 2024
पिंपरी चिंचवड मधील एमआयडीसी भोसरी चौक पोलीस ठाण्याच्या अंतर्गत येणाऱ्या स्वराज चौक येथे 12 जून रोजी ही घटना घडली. या अपघातानंतर गाडीच्या ड्रायव्हरने स्वत: त्या महिलेला रुग्णालयात दाखल केले. सध्या त्या महिलेवर उपचार सुरू असून तिची प्रकृती गंभीर असल्याचे समजते.
