मला पूर्ण विश्वास आहे, बहुप्रतीक्षित आयसीसी महिला टी-20 वर्ल्ड कप हिंदुस्थानच जिंकणार, असे उद्गार काढलेत फिरकीवीर पूनम यादवने. येत्या 4 ऑक्टोबरपासून यूएईत या स्पर्धेला प्रारंभ होत असून हिंदुस्थानची सलामीची लढत न्यूझीलंडविरुद्ध होईल. त्याआधी हिंदुस्थानच्या महिला वेस्ट इंडीज आणि दक्षिण आफ्रिका यांच्याविरुद्ध सराव सामना खेळणार आहे.
हिंदुस्थानी महिला संघाचे प्रशिक्षक अमोल मुझुमदार यांनी संघाच्या क्षेत्ररक्षण आणि फिटनेसला सर्वोत्तम बनवण्यासाठी प्रचंड मेहनत घेत आहेत. आपल्या सर्व खेळाडूंनीही स्वतःमध्ये सुधारणा करण्यासाठी सर्वतोपरी मेहनत केलीय. त्यामुळे आपल्या खेळाडूंना सराव शिबिराच्या माध्यमातून चूका सुधारायची संधी लाभली आहे.
परिणामतः वर्ल्ड कपमध्ये आपल्या खेळाडूंकडून चुकांची पुनरावृत्ती होणार नाही आणि त्यामुळे हिंदुस्थानच वर्ल्ड कप जिंकणार, असा विश्वास पूनम यादवने बोलून दाखवला. आगामी वर्ल्ड कप संघात पूनमला संधी मिळू शकली नसल्यामुळे ती काहीशी नाराज जरूर आहे.
