नगर जिल्हा पोलीस दलात कार्यरत असलेले ज्ञानेश्वर उर्फ बाप्पा मोरे यांचा तीव्र हृदयविकाराच्या झटक्याने निधन झाले. या अकाली निधनामुळे संपूर्ण जिल्हा पोलीस दलावर शोककाळा पसरली आहे.
तोफखाना आणि कोतवाली पोलीस स्टेशन मध्ये गणपती विसर्जनाचा कार्यक्रम होता. रविवारी दुपारी कोतवाली पोलीस ठाण्यात गणपती विसर्जनाची मिरवणूक काढण्यात आली होती. या मिरवणुकीत ज्ञानेश्वर मोरे यांनी मराठी गाण्यावर भन्नाट डान्स करत सर्वांची वाहवा मिळवली होती. गणपती विसर्जन मिरवणूक झाल्यानंतर बाप्पा मोरे घरी गेले. त्यानंतर त्यांना हृदयविकाराचा तीव्र झटका आला आणि यातच त्यांचे निधन झाले. त्यांच्यावर आज सकाळी अंत्यसंस्कार होणार आहे.
